أضحك مع دولة فسادستان الديموقراطية

مره وزير دولة فسادستان كان واقف بيبص من البلكونه لقى ديب بيجرى شويه ولقى كلب بيجرى شويه ولقى حمار بيجرى قال اشوف ايه اللى بيحصل قعد يجرى ورا الديب لحد اما حصله بيقوله بتجرى ليه رد عليه الديب وقاله انا ماليش عيش فى البلد دى الانسان بياكل اخوه الانسان سال الكلب بتجرى ليه قاله ماينفعش اعيش هنا كل ماهوهو على حرامى ماحدش بيعبرنى سال الحمار وانتا بتجرى ليه قاله والله ياباشا انا زيى زيك لقيتهم بيجرو جريت وراهم

-------------------
فسادستاني اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه
قاله : رئيس فسادستان خطفوه و الفدية 5 مليون ساسونه فسادستاني و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام
الرجل الثاني : ' من 5 الى 10 لتر بنزين

---------------

رئيس دولة فسادستان قرر يرمي 100 ساسونه فسادستاني من الطيارة يفرح بها عائلة فسادستانية
زوجته قالت: خل يهم خمسينتين وفرح عايلتين
وإبنه قال: خليهم 25 وفرح أربع عوايل
قالهم: حيرتونى انا حسأل الكابتن
رد عليه الكابتن
أرمي نفسك وفرّح الفسادستانيين كلهم

-----------------------

واحد من دولة فسادستان لقي مصباح علاء الدين ودعكه..
فطلع الجني وقاله انت تطلب ايه..
قاله: تطلع اسرائيل من فلسطين الجني: بس انا مليش دعوه بالسياسه..
قال:طيب انا خريج 1990 وعايز شغل
الجني:تحب اطلع اسرائيل من فلسطين امتي.

----------------------
مرة دكتور امراض عقليه بيكشف على مخ مريض فطلع المخ وحاطه فى الصنيه عشان يكشف على الجمجمه راحت القطه اكلت المخ فالدكتور محتار يحط بدل المخ ايه راح جايب جوز جزمه وحطها فى الجمجمه وقفل على كده بعد سنتين واحد بيسئله بيقوله ايه اخبار المريض بتاع الجزمه قالو اسكت عقبالك دا بقه رئيس دولة فسادستان الديمقراطية

------------------------
جندي فسادستاني عاد من جبهة القتال وهو يرفع اصبعين عاليا /علامة النصر / فسـألوه ـ انتصرنا .. فقال ـ لا مبقاش غيري انا و الزعيم

------------------------
في دولة فسادستان الديمقراطية كانوا بيمسكوا كل حمير الغابة ففي قرد لقي اسد بيجري
القرد : بتجري ليه يا اسد
الأسد : اصله بيحبسوا كل الحمير
القرد : وانت مالك انت اسد مش حمار
الاسد : حلني على ما يثبتوا اني اسد
---------------------
حمار وحشى بيحرس كنز .... فالناس عملوا مسابقة اللى يجيب الكنز هياخذ نصه فراح واحد هندي وفسادستاني ويابانى الهندي دخل راح الحمار ناطحه مموته واليابانى نفس الكلام، جه الفسادستاني دخل وخرج بعد نص ساعة شايل الكنز على كتفه وجارر الحمار فى ايده فالناس سالوه ازاى قدرت تجيب الكنز قاللهم ابدا انا قعدت مع الحمار كلمة منه على كلمة منى طلعنا قرايب.
------------------
زعيم دولة فسادستان اقترح عليه أحد الحاشية اقتراحاً فقال : لماذا لا نسعى الى ان تستعمرنا دولة كبرى مثل أمريكا فتقيم لنا المصانع والطرق والمطارات والمستشفيات ثم نطردهم فيما بعد ؟
فأجب الزعيم : وكيف نجعلهم يأتون لاستعمارنا ؟

فرد عليه : لدينا طائرتين نرسلهما في غارة على أمريكا فتغضب أمريكا وتأتي لاستعمارنا

فرد الزعيم : واذا تمكنت الطائرتين من هزيمة أمريكا .. ماذا نفعل
----------------------
رئيس فسادستان زار أحد الدول الخليجية فاستقبله الأمير ورحب فيه وقال خذوه لقصر الضيافة، فقال الضيف الزائر لا أنا عاوز بدل سكن
--------------------
مرة ريس دولة فسادستان عايز يزود شعبيته فقال لرئيس وزراء فسادستان يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص،
رئيس فسادستان استغرب قوي، وقاله: طب خلي الضرايب على المرتبات خمسين للمية. زود رئيس الوزراء الضرايب خمسين فى المية، الناس هزت دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة ساسونه فسادستاني ، الناس نفخت و ضربت كف بكف ودفعوا فقام رئيس الوزرا خلى اللي يعدي يدفع عشرة ساسونه فسادستاني وهو طالع، وعشرة
ساسونه فسادستاني وهو نازل من الناحية التانية، الناس قالت اللهم طولك يا روح و أمرنا لله و دفعوا.
رئيس الوزرا كبرت فى دماغه، وأمر إن اللي يعدي بعد ما يدفع عشرة ساسونه و هو خارج من الكوبري ياخد على قفاه، و نزل رئيس فسادستان بنفسه متنكر يتابع الموقف، الناس تدفع وهية طالعة الكوبري ساسونه و عشرة ساسونه و هية نازلة و تاخد على قفاها وتمشي شوية و لقى واحد بيزعق و متضايق، وطى على ودنه قال له "مالك؟" قال له حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا

المصدر: mazen.fekri


0 التعليقات:


صفحات الموقع