مسلسل يوسف الصديق عليه الصلاة والسلام

تم حذف المسلسل بعد التاكد من انه مخالف شرعيا ولا يجوز نشره 
والله اعلى واعلم

الابن الأصغر لرئيس مصر الأول يعمل سائق تاكسي

نتيجة للأوضاع الاقتصادية الصعبة، أضطر يوسف نجيب؛ الابن الأصغر لرئيس مصر الأول اللواء محمد نجيب الذي حكم مصر في أعقاب ثورة يوليو 1952، للعمل سائق على تاكسي بالقاهرة.
وبحسب صحيفة ''عكاظ'' السعودية فإن يوسف يعمل سائقاً بالنهار لدى شركة مقاولات، ونتيجة لظروف المعيشة الصعبة يعمل سائقاً على تاكسي أجرة لتحسين أحواله المالية ومواجهة الأوضاع المعيشية الصعبة.
ونقلت الجريدة السعودية عن مصادر إعلامية في مصر مطالبتهم بتخصيص راتب شهري لابن أول رئيس لجمهورية مصر العربية احتراماً لتاريخ أبيه.

والرئيس محمد نجيب هو أول رئيس لمصر بعد قيام ثورة يوليو 1952، وبقى بعيداً عن السياسة طيلة ثلاثين سنة حتى صعدت روحه إلى بارئها سنة 1984. وله من الأبناء ثلاثة مات الأول بمصر وقتل الثاني بألمانيا ويعمل الثالث سائق تاكسي.

  • تعليق :12345
  • بتاريخ : 30/09/2010 09:31:00 م

شوفو الفرق دلوقت

طيب نقترن بابن الرئيس بتاعنا دلوقت ياترى ثروتة كام ومنين وياترى يوم من الايام حد هياحسبة جابها منين هو واخوه الكبير؟

قيم هذا التعليق
  • تعليق :anaselsherif
  • بتاريخ : 30/09/2010 09:09:00 م

الشرفاء

دائما ابدا .. هذا هو حال الشرفاء واولادهم ..
الفاتحة لروح الرئيس الأب محمد باشا نجيب

قيم هذا التعليق
  • تعليق :sharaf_1967
  • بتاريخ : 30/09/2010 04:22:00 م

مش مشكلة

الشريف ابن الشريف لا تطلبوا له اعانة فهو يكسب بحهده وعرقه وهنيئا لأبيه فى الجنة ان شاء الله لم يترك لهم الحرام ليتعذبوا به فى الآخرة معه .

قيم هذا التعليق
  • تعليق :SALADIN
  • بتاريخ : 30/09/2010 04:15:00 م

سبحان الله

ادى ابن رئيس مصر الاول

تخيلو الوضع لو كان ابن امريكا الاول مثلا

كانوا فتحوله متحف و كل الايرادات تبقى بتاعته


اكيد نجيب كان راجل محترم
عشان كده ما عمرش فى الحكم و ماقعدش 30 سنة

قيم هذا التعليق

اقل واجب

نسيب له محطة مترومحمد نجيب يحصل ايراداتها لنفسة

قيم هذا التعليق
  • تعليق :omhamada
  • بتاريخ : 30/09/2010 04:07:00 م

لنا اللة

حسبى اللة ونعم الوكيل الراجل ظلم فى حياتة وبعد وفاتة ولسة فاكرين ابنة ما لسة بدرى

قيم هذا التعليق
  • تعليق :omhamada
  • بتاريخ : 30/09/2010 03:54:00 م

ابن رئيس الجمهورية الاول سائق

لوان الثورة فشلت لاعدم نجيب ولماسمعنا عن الرؤساء الحاليين فنجيب كانكبش فداء للجميع ومع ذلك ذل فى حىاتة وذل اولادة بعد وفاتة ليوسف ولنا اللة وحسبى اللة ونعم الوكيل

قيم هذا التعليق
  • تعليق :asdafe
  • بتاريخ : 30/09/2010 03:24:00 م

يا وزير المالية

أضم صوتى لصوت كل من يطالب بعمل معاش استثنائى لهذا الابن من ابناء رئيس مصر الاسبق محمد نجيب وهذا هو حقه علينا تكريما لوالده وتاريخه الذى هو جذء من تاريخ مصر الحديثة

قيم هذا التعليق
  • تعليق :toty
  • بتاريخ : 30/09/2010 03:08:00 م

حسبى الله ونعم الوكيل

هل هذا هو قدر ابناء الناس الذين افدوا عمرهم للوطن وظلوايخدموا الوطن بكل حب وسلملى على الحبايب

قيم هذا التعليق

بلد ظالمة..

يعنى أنا لو ركبت مع سواق تاكسى و قاللى أنا فى يوم من الأيام كنت ابن الريس, مفروض أصدقه ؟!؟!؟!
إيييييييه.. دنيا
ابن ريس سواق تاكسى.. و ابن ريس عاوز يبقى الريس ! و عجبى

قيم هذا التعليق
  • تعليق :sosopasha73
  • بتاريخ : 30/09/2010 03:02:00 م

عقباله

الابن الأصغر لرئيس مصر الرابع يعمل سائق تاكسي

قيم هذا التعليق
  • تعليق :adel_akh
  • بتاريخ : 30/09/2010 02:51:00 م

لماذا تم تحديد اقامة محمد نجيب

طوال فترة حياتة تم تحديد اقامتة فى المرج مجرد سوال فى هذة البلد الى ملهاش كبير

قيم هذا التعليق
  • تعليق :waelshokry
  • بتاريخ : 30/09/2010 02:18:00 م

مصرى

الله يرحم ابوه كان اخر الرجال المحترمين

قيم هذا التعليق
  • تعليق :hitham200427
  • بتاريخ : 30/09/2010 02:11:00 م

الرجل الوحيد

هو دة الوحيد فى الضباط كان محترم لانه هو الوحيد كان لواء وكان باشا رغم كدة كان مهتم بالشعب ونشوف الاخرين وصو لاية ابن البسطجى بقى اية وابن الحاجب بقة اية هنعرف ان دول مكنوش احرار دول هما دلوقت من يعينون محافظين ويعينون رؤساء احياء وبيكونو ضمنين العمل بعد الخروج من الجيش علشان يشترو ولؤهم فمن هنا نعرف الاقطاع الجديد فين ومن سرق القصور ومن سرق اراضى الناس ويوزعها الان بالتخصيص وانا كفرض من الشعب مش لاقى شقة اعيش فيها وعملين حق سلمون 63متر للناس انا عاوز ارض وانا حر فيها برخص التراب زى هشام ولية بس بفلوس انا يتم توزيع الاراضى زى مشروع ابنى بيتك بس على مساحة 250متر لو عاوزين الناس تحس بادميتها

قيم هذا التعليق
  • تعليق :NO HOPE
  • بتاريخ : 30/09/2010 01:39:00 م

مجرد خيال

تصوروا صاحب اللجنه ج.م بقى سائق كان عمل ايه؟
اولا سيتم تغيير الدستور وقانون المرور فى صالح سائقى التاكسى .. الميكروباص لا..التوك توك لا..
ثانيا سيتم اقرار قانون وفتوى تحرم ركوب الملاكى.
سيتم توفير بنزين 80
ستتصدر صورة التاكسى وقد تصبح شعار تعبيرى للاهرام
ستجد مقالات تشيد بمدى التزامه بالحزام حتى وهو فى الجراج
وكيف انه لا يتفاوض مع الزبون قبل التوصيل
وكيف ان عداد سعادته مضبوط
وستجد لوحه (الفوطه الصفرا)بدلا من زهره الخشخاش وبرضه هاتتسرق
ولن يستطيع امين شرطه استيقاف سائق
وسيمنع الميكروباص من شوارع العاصمه
وقد يمنع الملاكى
ولكنه لن بحتكر التاكسى فقط اول مليون تاكسى باسمه حتى يكون نفسه
وبعدين يشترى الباقى
لانه مش بتاع التخصيص بالامر المباشر
اصل الارض ارضه مش محتاج تخصيص
من مذكرات منافق تحت الطبع


قيم هذا التعليق
  • تعليق :sherifd
  • بتاريخ : 30/09/2010 11:59:00 ص

حسبي الله في المزورين

اللواء أحمد نجيب كان بمثابه باشا و خاطر بنفسه في سبيل مصر و عمل الثوره و ما كانت اتنجح بدونه لانه كان لواء أما باقي الضباط الاحرار كانوا ضباط صغار ليس لهم سلطه أو قوه كافيه لعمل انقلاب عسكري أما هو فنعم
و بعد الانقلاب العسكري قال نعمل انتخابات حره و ديمقراطيه و يحكم مصر من يختاره الشعب و من أراد حكم مصر من الضباط الاحرار عليه خوض انتخابات حره و نزيهه و الفوز - و هذا ما يطالب به شعب مصر الان بعد 60 سنه و مات خالد سعيد و غيره من أجله - المهم رفضت انجلترا هذا و أرادت حكم فاسد تستطيع السيطره علي اقتصاد مصر من خلاله ووجدت فرصتها في الضباط الاحرار المتعطشين للحكم - فسجنوا احمد نجيب و عاملوه باصلهم باسوأ معامله و حرموا أولاده من التعليم و هذه النتيجه و لو كان أحمد نجيب بحث عن مصلحته أولا و ليس مصلحه مصر لكان وشي بالضاط الاحرار للملك و لكان أولاده بشوات الان

قيم هذا التعليق
  • تعليق :shash1976
  • بتاريخ : 30/09/2010 11:39:00 ص

تحية لروح الرئيس المحترم

أعتقد أنه لو قدر له الإستمرار فى الحكم لكانت مصر تغيرت تمام عما نحن فيه الأن فالرجل كان يتصف بالحكمة والإتزان والوقار ولجنبنا ويلات الحروب من 56 مرورا باليمن حتى الطامة الكبرى فى 67 ولكن مشكلة الرجل كانت فى طيبته الزائدة برغم شجاعته فى المعارك (أصيب عدة مرات فى حرب 48) إلا انه كان على مستوى الإدارة السياسية سهل وواضح وهو ما أغرى من كان يطمع بالسلطة فى الإطاحة به بسهولة ولكن حزنى فى ان الرجل تم إهانته وإذلاله بكل قسوة وعلى مدى 30 عام كاملة ولا أدرى لماذا كل هذا الحقد والغل على رجل فى سماحته ولطفه، رحمة الله على أهم قادة مصر فى تاريخها الحديث وكان الله فى عون من تبقى من أسرته.

قيم هذا التعليق

إن ربك لبالمرصاد

والله دى قلة أدب لما يبقى ابن رئيس جمهورية مش لاقى ياكل ,والكل لازم يعرف ان اللى هيعمله فى ولاد الناس هيتعمل فى اولاده من بعده , ولا دا ذنب الراحل المحترم ابوه انه مكانش حرامى ,حسبنا الله ونعم الوكيل

قيم هذا التعليق
  • تعليق :uioprty
  • بتاريخ : 30/09/2010 11:29:00 ص

اليلة الكبيرةياعم والناس كثيرة

محمد نجيب مات عام 1984

يعني اذا كان جمال عبدالناصر ظلمة لية السيد المومن السادات مرجعش له حقة ولية السيد المعمر حسن مبارك مصححش وضع محمد نجيب وعمل له ولاولادة معاش او اي حاجة تكون سند لهم
وبعدين الاساس الاساس اللي بنطالب فية احنا العدل وتساوي الناس في الحقوق ...يعني المفروض ان ابن محمد نجيب وابن حسني مبارك وابن اي تخين في البلد زية زي انا وزي ابن البواب وابن الموظف وابن المهندس وابن الظابط وابن بائع الخضار الكل يكونو زي بعض في الحقوق والفرص تعليم توظيف فرص عمل وكل واحد ومجهودة وقدرتة ونبوغة وفرصتة مش علشان ابوة كان كبير يكون هو كبيرررررر كمان

قيم هذا التعليق
  • تعليق :ahmedvet
  • بتاريخ : 30/09/2010 11:27:00 ص

ارحموا عزيز قوم ذل

فعلا فلترحموا عزيز قوم ذل

قيم هذا التعليق
  • تعليق :shash1976
  • بتاريخ : 30/09/2010 11:26:00 ص

تحية تقدير لروح الرئيس المحترم

أعتقد أنه لو قدر له الإستمرار فى الحكم لكانت مصر تغيرت تمام عما نحن فيه الأن فالرجل كان يتصف بالحكمة والإتزان والوقار ولجنبنا ويلات الحروب من 56 مرورا باليمن حتى الطامة الكبرى فى 67 ولكن مشكلة الرجل كانت فى طيبته الزائدة برغم شجاعته فى المعارك (أصيب عدة مرات فى حرب 48) إلا انه كان على مستوى الإدارة السياسية سهل وواضح وهو ما أغرى من كان يطمع بالسلطة فى الإطاحة به بسهولة ولكن حزنى فى ان الرجل تم إهانته وإذلاله بكل قسوة وعلى مدى 30 عام كاملة ولا أدرى لماذا كل هذا الحقد والغل على رجل فى سماحته ولطفه، رحمة الله على أهم قادة مصر فى تاريخها الحديث وكان الله فى عون من تبقى من أسرته.

قيم هذا التعليق
  • تعليق :MORO_1700
  • بتاريخ : 30/09/2010 11:22:00 ص

فعلا كل ده شو اعلامى

لا اكثر ولا اقل ولا فى حاجة حتحصل ولا فى مساعدة هتتعمل وبعدين الشغل مش عيب ظروف المعيشة صعبة على الكل احنا اللى بنخلى الباشا باشا والبيه بيه واللى مش لاقى ما يلاقيش احنا اللى ساكتين خلينا ساكتييييييين احسن

قيم هذا التعليق
  • تعليق :sanmareno321
  • بتاريخ : 30/09/2010 11:15:00 ص

سائق لكنه شريف

ابوه من الرؤساء الشرفاء
لا اخد ارض في مارينا ولا شارك الناس بالعافيه ولا طمع انه يمسك رئيس رحم الله ابوه واسكنه فسيح جناته

قيم هذا التعليق
  • تعليق :mm
  • بتاريخ : 30/09/2010 11:09:00 ص

الشرف الشرف

احنا ما يعجبنا العجب ولا الصيام فى رجب هل السيد يوسف محمد نجيب احسن ولا اولاد عبد الناصر ولا اولاد انور السادات من منهم يعجبك ام الثلاثه مظلومين من ابائهم ولكنى احس بظلم واقع على اولاد السيد محمد نجيب واحسنهم اولاد السيد حسنى مبارك هما تعلموا من اخطاء الاخرين وبيعملو حساب الايام

قيم هذا التعليق
  • تعليق :alkhreb
  • بتاريخ : 30/09/2010 10:49:00 ص

الموضوع قديم جدا

الموضوع ده قديم جدا ومنذ اثر من15 سنه نشرت الاهرام تحقيق مماثل واتت بصورة لنجل الرئيس نجيب وهو يسكن المقابر ولا يجد قوت يومه ويومها كثير من الجهات وعددت بمساعدته ولكن واضح انه كانت شو اعلامى لا اكثر

قيم هذا التعليق
  • تعليق :Ahmed
  • بتاريخ : 30/09/2010 10:42:00 ص

تحيا مصر


رحمة الله على الرئيس الشجاع محمد نجيب وتحية عسكرية تليق بمكانته


فى الستينيات ونحن بالمدارس لم يرد ذكر الرئيس محمد نجيب ابدا ولم نكن نعرفه ولم يرد ولو نبذة صغيرة عنه فى عهد ناصر او السادات ولكن احقاق للحق عرف فى فترة مبارك اللى انتهج سياسية مختلفة عن ماقبله فى احترام السابقين لاننا عشنا السمعة السيئة للملك فى عهد ناصر والسمعة السيئة والادارة الفاسدة لناصر فى عهد السادات
والحق يقال ايضا ان مبارك هو من آمر بنقله الى شارع ولى العهد فى حدائق القبة بفيلا نظيفة وشيك تابعة للمخابرات المصرية حتى حين وفاته وهو من كان قابع فى غرفة بمزرعة مهملة بالمرج ولم يكن يسمح له بالخروج
وفى يوم سال احدهم مبارك الرئيس رقم كام فى مصر فكان الجواب رقم 5 وللاسف لم يعرف هذا الجواب ملايين

ولكم ان تعرفوا ان هذا الرئيس هو اخر رئيس ناد بوحدة مصر والسودان وكان قارئ جيد لمستقبل المنطقة وما سوف يحيق فى حالة انفصالهم وها نحن الان السودان تعانى نقص الخبرة والايدى العاملة فى الزراعة ونحن نفتقد الاراضي الخصبة وتعانى السودان من الانقسامات فى الجنوب ودارفور

فان كان اهين الولد فقد اهين الده من قبله

ولكنه بوصفه ابن احد قادة الدولة العسكريين يمكنه اللجوء الى القوات المسلحة التى لن تبخل على ابن احد ابنائها الكرام الشجعان


قيم هذا التعليق
  • تعليق :tareknaeim
  • بتاريخ : 30/09/2010 10:36:00 ص

أصله ملحقش يا عيني

هوا لو كان لحق يا عيني كان زمانه شايل فلوس لعيال عياله تكفي 40 جيل قدام ... شوفوا جمال مروان وعيال عبد الناصر عايشين ازاي ... وطبعا الناس اللي موجوده دلوقتي وانتم فاهمين عايششين ازاي وحيعيشوا ازاي بعد كده ... فلوس مبتخلصش وما فيش فايده ياريتهم بيشبعوا

قيم هذا التعليق
  • تعليق :h.elostaz
  • بتاريخ : 30/09/2010 10:19:00 ص

باشوات الزمان الأغبر

هذا أقل جزاء لمحمد نجيب وأولاده الذى اضاع البلاد وهوى بها مع مجموعته الى دوله من الدرجه العاشره وضاع المال والولد والارض والعرض ،،المهم انهم عملوا خميره كويسه وأصبحوا من باشوات هذا الزمان الاغبر فىمصر وطبعا فى لندن

قيم هذا التعليق
  • تعليق :aymanonline
  • بتاريخ : 30/09/2010 10:18:00 ص

آه يا بلد


آه يا بلد بتاكل عيالها

قيم هذا التعليق
  • تعليق :masr 2011
  • بتاريخ : 30/09/2010 10:17:00 ص

حسبى الله ونعم الوكيل

كان هناك نكتة قديمة تقول ( من لم يغتنى فى عهد الرئيس الراحل أنور السادات لن يغتنى أبدآ .. ومن لم يفتقر فى عهد الرئيس حسنى مبارك لن يفتقر أبدآ ) ولكنها الآن أصبحت حكمة وليست نكتة .. لأنه على مدار ثلاثون عامآ تم القضاء على الأخضر واليابس وإفتقر الشعب وإزداد فقره .. وإغتنى الرأسماليون المحتكرون وإزداد غناهم ..
وهاهو نجل الزعيم محمد نجيب يعمل سائق تاكسى لمواجهة ظروف المعيشة الصعبة ..
عقبال مانشوف اللى فى بالنا ..

قيم هذا التعليق
  • تعليق :bdwy1800
  • بتاريخ : 30/09/2010 10:09:00 ص

عيب عليكى يا مصر

للحكومه المصريه العار و الخزى على هذا الوضع المهين لابن الرئيس المحترم محمد نجيب و فيه اولاد محافظين ووزراء عايشين زى الملوك بفعلات مشينه لابائهم و عيب عليكى يا حكومه العلاج و الزباله و ازمه العيش و انابيب الغاز و الكتب الخارجيه يا حكومه الملابس الداخليه يا كلت

قيم هذا التعليق
  • تعليق :faysal
  • بتاريخ : 30/09/2010 10:08:00 ص

شىء عادى جدا

انا شايف انه شىء عادى ومألوف وده الصح بس علشان الوضع القائم لايناء واحفاد الرؤساء السابقين غير كده طبعا احنا مستغربين وبنمصمص شفايفنا بس انا هاقول للسيد يوسف نجيب كلهم سيسألون عن النعيم وكلنا يعلم ان امير المؤمنين عمر بن الخطاب ينام على خفيه ويرتدى الثوب القصير لأنه كان عظيم الطويل ويأخ> من القماش مثله مثل باق الرعية وكان بيحكم المسلمين فى اسيا وافريقيا واوروبا

قيم هذا التعليق
  • تعليق :king
  • بتاريخ : 30/09/2010 10:05:00 ص

كلام قديم

الكلام ده قديم وسمعناه من 20 سنة فاتت
وعادي

قيم هذا التعليق
  • تعليق :moslem
  • بتاريخ : 30/09/2010 10:05:00 ص

الله معك

كلنا عارفين دلوقتي لما وزير بيمسك اي وزارة أول حاجة بيعملها طبعا قبل النهب والسرقة بيكون مظبط مع شركة خاصة او بنك أو اي مؤسسه أنه لما يتشال من الوزارة يكون مكانه محجوز فيها
وكلنا عارفين الوزراء لما بيتشالوا بيعيشوا نفس العيشة اللي كانوا عايشنها ايام الوزارة من تشريفه ومنصب
أما الناس المحترمة ليهم ربنا أحسن من الكل
وطبعا رأيي هو كده أشرف بكتير من انهم يساعدوه بأي حاجة

قيم هذا التعليق
  • تعليق :karimelmisry
  • بتاريخ : 30/09/2010 10:00:00 ص

..................

له ولنا الله ،حسبنا الله ونعم الوكيل

قيم هذا التعليق
  • تعليق :bird
  • بتاريخ : 30/09/2010 09:55:00 ص

عندى تصور اخر

رجل شريف ابن رجل شريف ياترى علاء وجمال لما تروح منهم الرئاسة هيشتغلوا اية.....فى ظل الظروف الصعبة اللى هما فيها احساس شعبهم بالظلم والقهر هيطلع على جتتهم كعادة الشغب المصرى اللى يقع تكتر سكاكينة عندى تصور ان الرئيس مبارك وعائلته يرعبهم التفكير فى الحياة ما بعد الرئاسه لذلك هما متمسكين بيها بايديهم واسنانهم تحسبا للمصير المجهول اللى هايقابلهم يمكن معملوش حسابهم لسه فى بنوك سويسرا لتامين حياة كريمة ليهم وللحفيد العاشر او لسة ماستقروش على اى بلد يعيشوا فيها بكرمتهم .....يا حرام

قيم هذا التعليق
  • تعليق :medodody
  • بتاريخ : 30/09/2010 09:54:00 ص

ببساطه

ببساطه لأن أبوه كان راجل شريف مش زى بعضهم.كفايه إنه حط رقبته على إيده ولو الثوره كانت إنكشفت كان أول واحد حاتتقطع رقبته .الريس نجيب قام بالثوره وماكنش هدفه ئلى إحنا وصلنا ليه كان هدفه البلد تتحرر وتقوى وهو مش مسؤل عن ئلى إحنا فيه .ياريت حد من المسؤلين يكون بيقرا ويعتبروه فنان أو لاعب كوره دا برضوه كان إبن رئيس وعيب قوى ئلى بيحصل ده.

قيم هذا التعليق
  • تعليق :shihab
  • بتاريخ : 30/09/2010 09:48:00 ص

هى دى طبائع الامور

انا اعتقد ان هذا الوضع هو الطبيعى. لكن لان الصوره مقلوبه عندنا ( ابن الكتور دكتور و ابن لاعيب الكوره لاعيب وابن الفنان فنان و...........)فنحن نرى ان الوضع خاطيء.

أخيرا رحمه واجبه على روح الزعيم النظيف الشريف العفيف اللواء محمد نجيب.

" على ان يعيش اهلك بالكاد على الحلال خير من كنوز الدنيا من حرام "

اللهم لا تجعل الدنيا أكبر همنا ولا مبلغ علمنا ولا منتهى أمرنا و أرحمنا برحمتك يارب

قيم هذا التعليق
  • تعليق :RAMADAN
  • بتاريخ : 30/09/2010 09:44:00 ص

والله انت اشرف من قوم

والله بعملك البسيط هذا انت اغنى بصالح الاعمال وحب الناس ورضا الله عليك
اما فى ناس حزب واطى (الوطنى سابقا) وكل من هو على شاكلتهم اشتهروا بالسرقة والقتل والاغتصاب والنفاق فهم اغنياء بكل ما سبق وهم اغبياء اذا ظنوا انه لا رقيب ولا حسيب
حسبى الله ونعم الوكيل فى حاكم ظالم..

قيم هذا التعليق
  • تعليق :kogy_en2000
  • بتاريخ : 30/09/2010 09:38:00 ص

راجل محترم

راجل محترم

قيم هذا التعليق
  • تعليق :smr_foad
  • بتاريخ : 30/09/2010 09:30:00 ص

وضع طبيعي

لمن لا يعرف و للذي يعرف و يصمت، فإن الراحل اللواء نجيب كان منتمياً لجماعة الاخوان المسلمين مما جعل الزعيم ناصر يخشى من دخول الاخوان إلى الحكم عبر سيادة اللواء فكان تحديد اقامته و عزله عن الرئاسة. أقترح أن تقوم السعودية بعملية إعالة نجل الفقيد فهي اولى بأمور رجال الإخوان. مش كده و لا إيه؟؟!

قيم هذا التعليق
  • تعليق :abosaleh
  • بتاريخ : 30/09/2010 09:27:00 ص

كلكم مسئول

الله يرحم هذا الرجل المحترم
فلو كان حرامي مثل الآخرين ما كان هذا مصير إبنه فهذا مايدل إنما يدل على نظافة وطهر يد هذا الرجل.
وياليت هذا يفهمه القائمون والمنتظرون ومن سيعذبون إن شاء الله في الدرك الأسفل من النار لأنهم باعو شعبهم ووطنهم بأبخص الأثمان
كلكم مسئول وكلكم مسئول عن عن رعيته
صدق رسول الله صلى الله عليه وسلم
ربنا يسهل ويفهم هذا القئمون على هذا البلد

قيم هذا التعليق
  • تعليق :farafero2000
  • بتاريخ : 30/09/2010 09:13:00 ص

هى كدا

جمال وعلاء امراء بدون تاج و الباقى يتحرق صباح النفاق يا سعت الباشا

قيم هذا التعليق
  • تعليق :hamada
  • بتاريخ : 30/09/2010 09:09:00 ص

وايه يعنى

وايه يعنى بيشتغل ايه هيا مش شغلانة شريفة ولا ايه ، ده شرف ليه انه بيشتغل ويشقا على اكل عيشه

قيم هذا التعليق
  • تعليق :yosri_hmdan
  • بتاريخ : 30/09/2010 08:51:00 ص

خبر شريف

الكسب الحلال اشرف من المعونه والتسول للدوله هذا الرجل مثال للمصري الشريف ربنا يبارك له

قيم هذا التعليق
  • تعليق :amrnour
  • بتاريخ : 30/09/2010 08:50:00 ص

طبعا العمل شرف

طبعا العمل شرف بس لازم على الاقل يكون له راتب شهرى محترم على الاقل 10000 ليعيش حياه كريمه ويكون له وظيفه محترمه لكونه ابن اول رئيس جمهوريه نادى بالديمقراطيه والانتخابات النزيها لكن كان لحراميه الثوره كلام اخر فنفى فى بيته وتم تحديد اقامته هذا ما فعله عبد الناصر وحراميه الثوره مش جمال وابوه ولا السادات شوف ابناء عبد الناصر وحفيده ماذا يعملون يعملون قناه مودرن وكلام تانى كلنا عرفينه بس الحكومه عشان متشوهش صوره عبد الناصر نيمت الموضوع مش عيزين تعليق واعتراض على فرض وادخاله فى كل شئ وخلاص عشان داخل الانتخابات ضد المعارضه ولا انتم خلقتو لتعترضو وخلاص افضل ما فعله عبد الناصر وليس الثوره هو الزعيم الراحل السادات جه وخلصنا من حراميه الثوره ثوره الجياع وهو افضل رئيس جمهوريه بشهاده كل المصريين الشرفاء لكن الثوره جابت هيكا بيقول كذب وزورا على الرئيس الراحل فاكر نفسه لسه فى النكسه هيكدب على الناس ومحدش عارف حاجهعمال يشتم مصر من على قناه الجزيره الاسرائيليه في حد يسب امه وابوه واخوته يبقى ناكر للجميل وكلب اما يشتم مصر ويتبلى على السادات ويسب المصريين يبقى ناكر للجميل .
نرجو من الحكومه ان تعطى هذا الرجل مرتب شهرى محترم ووظيفه محترمه لكونه ابن رجل ضحى من اجل مصر وكان اول رئيس جمهوريه واول من نادى بالديمقراطيه ومش عيزين مزايده فى هذا الموضوع من المتبردعين كنتم بالامس القريب جنبا لجنب مع ايمن نور واليوم انتم مع البرادعى نفسى اعرف فلوس الهدوم والسفر إلى جميع محافظات مصر واليفط والمظاهرات والانتقالات بين شوارع المحافظات مين بيدفعها البرادعى ولا امريكا زى ايمن نور وبااااااااااااااا... يا عسل

قيم هذا التعليق
  • تعليق :amy
  • بتاريخ : 30/09/2010 08:31:00 ص

عادي جدا

فكلانا سواسية وهذا هو الطبيعي انه يعمل ويتقاضي اجر نظير عمله .. ولكن نحن لم نتعود على الطبيعي .. ان شعب كثير الكلام .. قليل الفعل .. لازم واحد حازم يراسه حتى يعمل كويس

قيم هذا التعليق
  • تعليق :ZOKA007
  • بتاريخ : 30/09/2010 08:15:00 ص

جمال مبارك ويوسف احمد نجيب

جمال وعلاء مبارك /ويوسف احمد نجيب ....مش عارف في حد يقدر يجيب فرق بين التلاتة؟
حسبي الله ونعم الوكيل

قيم هذا التعليق
  • تعليق :Jilani
  • بتاريخ : 30/09/2010 07:48:00 ص

خسارة !

ايه دي حياة وحشة عاشرتها اسرة الرئيس الاول

لما اثنين من عياله ماتوا واحد طبيعية والتانى مقتول وفين في المانيا

والتالت سائق تاكسى

ولا حول ولا قوة الا بالله العلى العظيم !

قيم هذا التعليق
  • تعليق :JILIPUF80
  • بتاريخ : 30/09/2010 05:27:00 ص

.................

بباسطة عشان ابوه كان اشرفهم ابوه طالب بقيام انتخابات والجيش يبقى حامي ولا يتقلد السلطة فتشال ابوه قال ان الحكم لازم يبقى مدني مش عسكري الله يرحمه

قيم هذا التعليق
  • تعليق :Mohamed
  • بتاريخ : 30/09/2010 05:07:00 ص

حسبي الله و نعم الوكيل

حسبي الله و نعم الوكيل كلاب السكك أصبحوا مليرديرات و أولاد الأصول ضاعوا مش عيب يا ريسنا تسيب ابن سلفك كدا و لا عشان أبوه كان شريف يكون هو مصيره كدا

قيم هذا التعليق
  • تعليق :mido
  • بتاريخ : 30/09/2010 04:52:00 ص

أبناء الرئيس محمد نجنيب

له من الابناء ثلاثه الاكبر مات فى مصر والاوسط قتل فى المانيا و الاصغر ميت حى .

قيم هذا التعليق
  • تعليق :ELWA7SH
  • بتاريخ : 30/09/2010 04:37:00 ص

اؤيد

مع انى دائما ضد الحزب الوطنى الا اننى اؤيد جمال مبارك شرط اخراج افراد ..الحكومة والقضاء على نظام الاقطاع المنتشر فيها ..اما غير ذلك فلا اؤيد احد لرئاسة مصر ابدا.


قيم هذا التعليق
  • تعليق :webwalid
  • بتاريخ : 30/09/2010 04:01:00 ص

اه يابلد

حسبنا الله ونعم الوكيل

قيم هذا التعليق
  • تعليق :sendsis
  • بتاريخ : 30/09/2010 03:27:00 ص

اللواء محمد نجيب

لأنه نادي بالديمقراطية والاحزاب تم عزله

قيم هذا التعليق
  • تعليق :TAREK
  • بتاريخ : 30/09/2010 03:24:00 ص

انتو لسه فاكرين ؟

والله الراجل خلل على التاكسى وبعدين هو ش شغال فى القاهرة هو شغال فى اسكندريه اصلا والى مش مصدق يروح موقع ويكيبيدا ويقراء وبعدين دة شى عادى فى بلد يسودها الفساد وقله القيمه وبعدين هو الناس مستغربه ليه كدة هو كان مين اصلا يفتكرو و لا حتى فكر يدور محمد نجيب ليه اولاد ولا لاء المهم يا رب العيله دى تاخد حقها مش هيبقى حق محمد نجيب راح من ايام الثورة والسجن المحترم الى كان عايش فيه فى المرج وكان ولادو التاريخ عرو ما هينسى كدة ابدا
هقول تانى يوسف محمد نجيب شغال فى اسكندريه وليس القاهرة

قيم هذا التعليق
  • تعليق :Waell_s_m
  • بتاريخ : 30/09/2010 03:23:00 ص

أه يا بلد

وأخرتها إيه?

قيم هذا التعليق
  • تعليق :DeMagH
  • بتاريخ : 30/09/2010 03:13:00 ص

لا يعيبه ان ابوه كان شريفا

لا يعيبه ان ابوه كان شريفا وأنه اكل من يده بعد وفاة ابيه
مش زي اللي بالي بالك عاملين حساب في البنوك ل ولاد ولاد ولاد ولاد ولاد ولاد ولادهم ..

قيم هذا التعليق
  • تعليق :waytogetway
  • بتاريخ : 30/09/2010 02:53:00 ص

وايه المشكله

و ايه المشكله هو مش مواطن زيه زي اي مواطن زيي وزي ابن الجيران وزي جمال و علاء كمان بالعقل هو ابن نجيب هيكون عنده كام سنه اصلا مش اقل من 60 او 70 سنه .. بلاش تخاريف

قيم هذا التعليق
  • تعليق :7L1M
  • بتاريخ : 30/09/2010 02:39:00 ص

ما لحقش

ماهو عشان والده مالحقش يعمل حاجة
يعنى مالحقش يعمل خميرة للعيال !
وعحبى

قيم هذا التعليق

تحية لمن تحمل المسؤلية كاملةً

رحمة الله عليك يا نجيب

قيم هذا التعليق
  • تعليق :alfyfouad
  • بتاريخ : 30/09/2010 02:29:00 ص

معقول ؟؟!!


أية الفضايح دى ؟؟!!
أيه الحكاية ؟؟؟
يعنى أية المشكلة لو طلع له مرتب 10000 جنية شهرى و بلاش الفضايح دى.

حرام عليكم

أرحموا عزيز قوم زل

ده أبن أكثر رجل محترم و لولاه لما كانت ثورة 23 يوليو

قيم هذا التعليق
  • تعليق :eclipse_050
  • بتاريخ : 30/09/2010 02:24:00 ص

عليه العوض

يا خساره

قيم هذا التعليق

صفحات الموقع