كهربني شكرا والجدار اتخرم يا رجالة .. اطرف تعليقات

نظرا لخفة الدم وروح الفكاهة التي يتميز بها كثير من زوار مصراوي والتي تظهر من خلال تعليقاتهم على الاخبار المختلفة، جمعنا لكم مجموعة من التعليقات الطريفة التي كتبها زوار مصراوي على اخبار الموقع التي تم نشرها خلال الاسبوع الماضي.
ونبدأ بالتعليقات التي كتبها الزوار على خبر "من هن أجمل 10 سيدات في العالم؟" واخترنا لكم هذه المجموعة:
overthemoon2006 ياترى مراتي لو شافت دول هتعمل ايه!
keeko الجماعة اللي بيقولوا فين صورة الفنانة صباح، صباح ماتت من ثلاثين سنة واللى بتطلع دي واحده شبهها.
Al-Pachino الجمال فيه نوعين جمال طفولي زي زبيدة ثروت ونانسي عجرم وجمال ارستقراطي زي ليلى فوزي، بس الأحلى من كل دول خطيبتي ربنا يخليها لي.
fantazia_l
فى مصر بقه البنت من دول تبقى اجمل واحده بس لحد سن 27 وده اخرها وبعد كده تبتدى الشرنقة وتتحول لسيد قشطة
engahmad1973 إنتباه يا دانس، أحسن من الشرف مفيش
nsrelshark عماااااااااااار يا مصر، المصرين طبعا احلى بكتير، انزل شارع شبرا او وسط البلد، هتشوف اللى عمرك مشفته، بس ده بيبقى لسن 25 سنة فقط، بعد كده بتقلب لكائن بشرى اخر.
اما خبر "وقف مدرس عن العمل لقيامه بتلميع حذاء زميلته .. وإحالة 4 للنيابة لتدخينهم الحشيش داخل المدرسة" فاخترنا من التعليقات التي كتبها الزوار عليه هذه المجموعة:
waleed_milek2002 مساء الخييييييييييير، انا مدرس الكيميا وعايزكم تفهموا معايا كده.
fancy4 زى الفل، كدا بقى وزير التحشيش يقوم بزيارات مفاجاة لتكريس العملية التحشيشية، وتهذيب القائمين عليها فى المحششة
elnaggar اقترح صرف بدل جديد للمعلم ونسمية بدل حشيييييشش ولا ايه رأيكم؟
eskandarany13 نفهم من كده ان ازمة الحشيش انتهت؟
Mido Dido وأنا أقول الحشيش راح فين، هما دول بقة اللي محتكرين الحشيش وخلو سعره بقا في العلالي
وعلى خبر "يونس: بدء تعميم نظام كروت شحن الكهرباء المدفوعة مقدما على مستوى الجمهورية" اخترنا هذه المجموعة:
egyprince2 انا العداد بتاعي خط، انت عدادك كارت ولا خط؟
masaratalshafie اقترح تركيب العداد الجديد على ظهر المواطن المصري علشان كمان يعد الآنفاس عليه، والله منا عارف أنتم عاوزين مننا ايه وليه بتعملوا معانا كده، رحمتك بالغلابة يارب.
hitlermasrawy يا ماشااااااااء الله والله عال ياعبد العال ايه الذكاوة دى كلها، أنا مش عارف بيجيبوا المسئولين دول منين يقال أن فى زمن الأغريق والرومان كان يوجد اله للغباء يدعى غبيوس أظن أنكم تفوقتوا عليه فعلا.
Simo Adham حلوة علشان لو الرصيد خلص نبعت رسايل للاداره كهربنى شكرا
ss4ssssssssssss احم احم انا ومن هنا حيث أوضتي الكائنة في الجيزة اعلى الاسطي عمر السمكري اقول ان اللي بتعملوه ده ملوش لازمة والدنيا ماشيه زي الفل ايه لزومه وجع القلب ده، اكيد فيها شئ يقرف المواطن مادام فكرتكم (سياسة شركة الكهربة ازي نقرف المواطن)
menatelhossamko يعنى الواحد لما يجيب كارت و يخربشه و يلاقى الرقم يعمل بيه ايه يلزقه على العداد؟
hossamfayed ياتري في شحن ع الهوا ولو رصيدي خلص اشحن ع الهوا والا ايه ياعم يونس، لو مش معايا فلوس ممكن ابعت لجاري نور لي شكرا، او كهربني شكرا، او ولعني شكرا؟
a.nyazy أنا عندى سؤال، وزارة الكهرباء ناويه تعمل أيه في العدد الكبير للمحصلين وكشافين الكهرباء اللذين امتلأت بهم مدريات الكهرباء حيأخدوا صابونة وتسرحوهم ولا إيه؟
واخيرا على خبر"بي بي سي: حفارو الانفاق في غزة تمكنوا من اختراق الجدار الفولاذي المصري"
اخترنا هذه المجموعة من التعليقات wabadry يا خسارة المليارات اللي راحت علي الفاضي و سودت وشنا في الغربة، راحت فلوسك يا صابر
Bany Adam mn el 2arfaneen أهلا بأخوتنا ويدخلوا عندنا يخدوا أكلهم و شربهم وواجب الضيافة كمان
kaity_kaity سؤال كده على الماشى..ليه احنا العرب والمسلمين بأسنا بيننا شديد جدا...ومع اليهود قطط سيامى؟
fareselabrag الجدار اتخرم يا رجالة هههههههههههههههه