نزيهة تعبانة اوي ومصر هاترقع بالصوت

نزيهة تعبانة اوي ومصر هاترقع بالصوت) .. اطرف تعليقات زوار مصرواي خلال اسبوع

(نزيهة تعبانة اوي ومصر هاترقع بالصوت) .. اطرف تعليقات زوار مصرواي  خلال اسبوع

اعداد احمد الليثي - استكمالا لما بدأناه الاسبوع الماضي، نواصل في هذا الموضوع عرض اطرف التعليقات التي كتبها زوار مصراوي على اخبار الموقع خلال اسبوع والتي تعكس خفة الدم التي يشتهر بها المصريون وروح الفكاهة والسخرية التي يتميزيون بها في مواجهة اصعب المواقف.

ونبدأ بالتعليقات التي كتبها الزوار على خبر "جنايات القاهرة تنظر التحفظ على أموال شقيقة (زينة) 19 مايو لاتهامها بالاتجار فى المخدرات" واخترنا لكم هذه المجموعة:

tehssoo2008: شفتوا بقى، الريس كان عنده حق لما مدد قانون الطوارىء، واحدة إرهاب جسدي والتانية مخدرات

اما خبر "محلل: الوطني سيمنع مرشحي الإخوان من الفوز فى انتخابات الشورى" فاخترنا من التعليقات التي كتبها الزوار عليه هذه المجموعة:

gmgmcom: يصر المسؤولون المصريون على ان الانتخابات حرة ونزيهة، هههه، سلملى على ام نزيهة وقولها نزيهة تعبانة اوى.

اما خبر "من يخلف سرور على مقعد رئيس مجلس الشعب؟" فاخترنا منه هذه المجموعة من التعليقات الطريفة:

mmm_nn2005: معروف، اكيد ابنه الكبير محمد احمد فتحي سرور

geno: انا ارشح ابو تريكة

Ahmed: يا سلام، ايه يا جماعة ده، هو السيد فتحى سرور معندوش ولاد ولا ايه؟

cocacola2: انتو بتحلموا، هو احنا عندنا مسئول بيموت؟

وهذه مجموعة من التعليقات الطريقة التي كتبها زوار مصراوي على خبر "الحزب الوطني يطلق حملته الانتخابية للشوري تحت شعار (من أجلك أنت)":

haythem_spain: والله مصر لو ليها صوت كانت رقعت بالصوت وقالت خلاص يا ولاد التيت حلو عني

googleok: حاسس بحموضة وزي ما اكون عايز ارجع

amr elfayed: طيب طالما قولتو بقي من اجلك انت، ممكن واحد شيش طاووق واتنين كبدة اسكندراني سبايسي .. على البيت لو سمحت.

totathesunflower: انت ضمير مستتر تقديره احمد عز

ALMOHR: احنا طبعا كلنا عارفين مين هو المقصود بأنت، وعلشان كده لازم نروح ننتخب (انت تانى) علشان احنا كمان نقول من اجلك انت

MOHAMMED ALRIASHY: سؤال برئ، هو من أجلي ده كان فين من 30 سنة؟؟!

GIGAMAX2: من أجلك أنت، انت انت ولاانتش داري انت انت جحيمي وناري مع اعتذارنا لصاحب الاغنية.

shsaid1950: الشعار الصحيح .. عشان نجيب اجلك انت

وعلى خبر "توقف حركة المترو بالخط الثاني بسبب عطل بخط الربط مع محطة كهرباء شبرا الخيمة" جاءت هذا التعليق:

momen_2008: وايه النظام دلوقتى، الدنيا عاملة ياه دلوقتى راقت ولا لسه

اما خبر "تفتيش طائرة سويسرية بالقاهرة بدقة لقول راكب مصري (ربنا يوفقنا في مهمتنا)" فكتب زوار مصراوي عدد كبير من التعليقات الطريفة اخترنا منها هذه المجموعة:


esso2009: بالعقل هو لو ارهابى هيتكلم فى التليفون ويقول كده والمهمة تفشل؟

hossamfayed: أنا قاعد باشتغل على الجهاز بتاعي، ممكن لو قلت لزميلي في التليفون ربنا يوفقنا مراتي تتصل بالشرطة ويجو يفتشو الكيسة بتاعة الكمبيوتر؟

khaled: ايه الخبر اللي يفطس من الضحك ده، امال لو كان قال استعنا ع الشقى بالله كان اتطس 4 سنين

elhakers: فكروني بفيلم مهمة في تل أبيب بتاع نادية الجندي، خالتي بتسلم عليك.

ونختم بهذه التعليقات الطريفة التي كتبها زوار مصراوي على خبر"الأهلي يحتفل بلقب الدوري بفوز علي الإنتاج الحربي":

ahmed4_16: فريق المحلة ده أسوأ فريق فى الدورى العام، لما تتفرج على ماتش ليهم يحسسوك أنهم فرقة بتلعب فى الجرن.

MiZoSpaDe: الف مبروك للدوري المصري خروج احد اندية "الفوز على الاهلي بطولة في حد ذاتها" عقبال الباقي.

0 التعليقات:

صفحات الموقع